inšoma,ma ništo mi palo napamet ,sitilo,eto i nije svako zlo za zlo ,evo nešto sa face booka ka odgovor na sve ovo :misli: :misli:
Mi, periferija, a eeee roge van čačine i materine
Podijeli
12. studeni 2009 u 18:43 | Uredi Bilješku | Obriši
Ala koja je nevera učinila prošlu šetemanu, ajme ća je lampalo i grmilo ma pucalo je iz svi kaluni, a i nikako mi nije drago kad grmi ono kad puno grmi.
A jušto sidin prid ovon škatulon i omar okričen na meteorlogiju i je, je jemaju pravicu ciklona se primišća i gre ovamo, a di vengo u centar, inšoma centarciklone se pripomistija i jušto je sad ovod u sridnjoj Dalmaciji između Brača, Šolte i nas ovod, a omar mi je nikako bilo ka drago, počeja san vikat: grmi, udri, cipaj iz svi kaluni neka vidu di je centar! Dosta su nan govorili kako smo mi ovod periferija. Evo van sad roge čačine i materine, aaaaaaaaaaaa koje sad periferija aaaaa, a di je centar ciklone, aaaaaaa ka da bi on bija u periferiji. A i je mi bilo dojadilo bit priferija sa lokalnin oborinan, lokalnin neverinima, lokalnin burinima.
Ma cili život slušan to: lokalne nevere, lokalni problemi, lokalne vlasti lokalni novinari, lokalni klubovi.
Stojin vanka na balaturi, asti boga, a ća je ono, oli se ono od Marine počimje čarat, vazimjen karnočal, gledan, a nije, nije, dobro je, ma vas san protrnija,
Muči, stislo je, oblaci su se usidrili sve je pokrilo, zacrnilo, eee centar ciklone se usidrija, a e mona je, nije zna izabrat lokaciju,moga je falit lokaciju ,
jopet grmi, jo ča lipo grmi, ma koji lipi zvuk ma koja je to lipa muzika.
Stojin vanka na balaturi i vas guštan bit u centru ciklone, a ona iznutra viče, oli si poludija ulazi unutra ma koga boga činiš vanka oli očeš da te ubije, aaaaaa
Ma friga mi se nek me ubije, eeeee, ubit će me moja ciklona, a ne nika tuja ona nika odrebatajice.
Ma vas san sritan, oli je to malo, bit u CENTRU ciklone.
Objavljeno prije 6 mjeseci · Komentiraj · Sviđa